Т.А.Ә.: Исламбеков Айбек Жаншаұлы  
Лауазымы: Казталов ауданы әкімі аппаратының басшысы, Казталов ауданы бойынша әдеп жөніндегі уәкіл;
Мекенжайы: Батыс Қазақстан облысы Казталов ауданы, Казталов ауылы 1, 6-кабинет;
Телефон: 8 (71144) 31-3-61
Қабылдау кестесі: Әр айдың екінші сәрсенбі күні сағат 15.00-ден 17.00-ге дейін

 

 

 

Әдеп жөніндегі уәкіл туралы

Елбасының бастамасымен жасалып жатқан реформалардың негізгісі «Ұлт жоспары  100 нақты қадамның» алғашқы 15-і мемлекеттік аппаратты кәсібилендіруден басталуының өзі қазіргі таңда мемлекеттік қызметке аса көңіл бөлініп отырғанның айғағы. Осы іс-шаралар аясында, мемлекеттік қызмет саласындағы заңнамаларға түбегейлі өзгерістер мен толықтырулар енгізіліп, жаңартылып жатқандығы  сыбайлас жемқорлыққа төзбеушілікке бағытталған мемлекеттік менеджменттің сапалы моделіне бірден-бір бастар дара жолы.
Мемлекеттік қызметкерлердің әдептілік нормаларын және мінез-құлық қағидаларын одан әрі жетілдірудегі койылатын талаптарын көтеру мақсатында  "Ұлттық Жоспар - 100 нақты қадам" бағдарламада белгіленген 12-ші қадамын жүзеге асыру үшін, Қазақстан Республикасы Президентінің 2015 жылғы 29 желтоқсандағы №153 Жарлығымен,  Қазақстан Республикасы мемлекеттік қызметшілерінің Әдеп кодексі және Әдеп жөнiндегi уәкiл туралы ережесі бекітілді.
Халықтың мемлекеттік органдарға сенімін нығайтуға, мемлекеттік қызметінің кескінді және мемлекеттік қызметінің ісін күшейтумен жоғарылату жаңадан ашылған  әдеп жөнiндегi уәкiл институтының бағыты болып көрсетілген.
Осы орайда, олардың тарапынан мемлекеттік қызмет, сыбайлас жемқорлыққа қарсы іс-қимыл туралы заңнама және қызметтік әдеп нормалары талаптарының сақталуына профилактикалық жұмыстар жүргізу заңнамаға жаңадан енгізіліп отырған Әдеп жөніндегі уәкілдің құзыретіне кіреді.
Ауданымызда осы бағыттағы қызметтің жүктелуіне байланысты бірқатар түсініктер беріп өтейін.
Әдеп жөніндегі уәкіл өз құзыреті шегінде мемлекеттік қызметшілердің құқықтары мен заңды мүдделері бұзылған жағдайларда, оларды қорғауға және қалпына келтіруге бағытталған шараларды қабылдайды, мемлекеттік қызметшілердің қызметтік әдеп нормаларын сақтауын мониторингтеуді және бақылауды жүзеге асырады, мемлекеттік қызметтің оң бейнесін қалыптастыруға өз үлесін қосады, мемлекеттік қызмет, сыбайлас жемқорлыққа қарсы іс-қимыл туралы заңнама және қызметтік әдеп нормалары талаптарын бұзу профилактикасын қамтамасыз етеді, мемлекеттік қызметшілер мен азаматтарға консультация береді, сонымен қатар, мемлекеттік органның оң имиджін және ұжымда жағымды ахуал қалыптастыруға елеулі үлес қосқан қызметшілерді көтермелеу туралы ұсыным білдіреді. Осылайша, әдеп жөніндегі уәкіл сыбайлас жемқорлықты ұлт­­тық құндылыққа жат құбылыс ре­­тінде сезіну, қабылдамау және сыбайлас жемқорлыққа қарсы мә­дениетін қалыптастырудағы өз үлесін қосады.
Әдеп жөніндегі уәкіл өз қызметін дербес атқара алады және жұмыс қорытындысы туралы мемлекеттік қызмет жөніндегі уәкілетті органға есеп беріп отырады.
Мемлекеттік қызметшілер тарапынан құқықбұзушылықтар көрініс тапқан жағдайда кез келген тұлға әдеп жөніндегі уәкілге жүгіне алады.        
Сонымен қатар, азаматтарды қабылдау әр айдың екінші сәрсенбі күні сағат 15.00-17.00 аралығында аудан әкімдігі ғимаратының 6-кабинетінде жүргізіледі. Байланыс телефоны: 31361.
Қоғам мемлекеттік қызметші өзінің барлық күш-жігерін, білімі мен тәжірибесін өзі жүзеге асыратын кәсіби қызметіне жұмсайды, өзінің Отаны – Қазақстан Республикасына қалтқысыз әрі адал қызмет етеді деп сенеді.

 

                                    Казталов ауданы бойынша 
әдеп жөніндегі уәкіл А.Исламбеков