Ауданда шағын бизнес саласында шағын кәсіпкерліктің 1268 субъектілері, 49 заңды тұлға, 1219 жеке тұлға тіркеліп, соның ішінде 44 заңды тұлға, 1141 жеке тұлғалар жұмыс жасауда немесе тіркелгендердің 93,4 пайызын құрайды. Олар 2017 жылдың 1 қыркүйегінде бюджетке 24525,0 мың теңге түсім түсіріп отыр.
2017 жылы 9 маусымда №23 (8376) ауданымыздың қоғамдық-саяси газет бетінде «Жаппай кәсіпкерлікті дамыту ауылдан басталады» атты мақала Қазақстан Республикасы Үкіметінің 2016 жылғы «29» желтоқсандағы № 919 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы туралы толық мәлімет жарияланған болатын.
«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының» «Жаппай кәсіпкерлікті дамыту» екінші бағыты бойынша «Бастау Бизнес» жобасы негізінде кәсіпкерлік негіздерінде оқытулар ұйымдастырылып, күні бүгінге 128 адам оқуды аяқтағаны туралы сертификаттарын алды.
Жоғарыда аталған бағдарлама аясында Кәсіпкерлік бастамаларды қолдау бағытында ауылдық елді мекендерде микробизнесті ашу, жұмыс істеп тұрған бизнесті кеңейту, ауыл шаруашылығы кооперативтерін ашу мақсатында «Ауыл шаруашылығын қаржылай қолдау қоры» АҚ арқылы «Береке» бағдарламасы бойынша 45 адам 142,4 млн. теңге көлемінде несие алса, «Игілік» бағдарламалары арқылы 22 адам 92,2 млн. теңгеге несиелендірілген. Сонымен қатар «Казталов» несие серіктестігі арқылы «Іскер» бағдарламасы бойынша     15 адам 74,7 млн теңгеге қаржыландырылған.
2017 жылы «Казталов» несие серіктестігі арқылы ауыл шаруашылығы бағытында 26 жеке кәсіпкерлік субъектілеріне 121,6 млн.теңге көлемінде несие берілген.
Казталов ауданын 2017-2019 жылға дейінгі дамыту картасы жасақталып, 2017 жылдың 24 тамыз күні аудан әкімдігінің №260 қаулысымен құрылған «Казталов аудан әкімдігі жанынан кәсіпкерлердің қоғамдық кеңесі» консультативтік-кеңесші органының бірінші отырысында қаралып бекітілді.
Ауданда «Бизнестің жол картасы-2020» бизнесті қолдау мен дамытудың бірыңғай бағдарламасы шеңберінде «моноқалалар, шағын қалалар мен ауылдық елді мекендер кәсіпкерлерінің жаңа бизнес-бастамаларын қолдау» бірінші бағыты бойынша ауданымызда 2017 жылы бағдарлама аясында 11 жоба мемлекеттік грантқа қатысып, соның ішінде 1 жоба грант иегері атанды. Ол Байжумашев Рауан ИП «Байжумашев» Мрамор және гранит тастарында құлпытастар дайындау, бизнес жобасы 2000 000 теңгеге иеленді.
Биылғы жылы өз қаражаттарына Казталов ауылынан 4,0 млн. теңгеге        1 көлу жуу орнын, Әжбай ауылынан 1 мейрамхана 20,0 млн. теңгеге және Ақпәтер ауылынан 1 мейрамхана 40,0 млн. теңгеге салынып, өз жұмыстарын атқаруда.